Гродзенская СДЮШАР № 3 вядзе набор на аддзялення:

• спартыўная гімнастыка (дзяўчынкі, хлопчыкі з 5 гадоў, 2015 года нараджэння). Заняткі праходзяць па адрасе: вул. Ажэшка, 32, спартыўная зала;
• мастацкая гімнастыка (дзяўчынкі з 5 гадоў, 2015 года нараджэння). Заняткі праходзяць па адрасе: вул. Камунальная, 3 (ЦСК «Нёман»), зала мастацкай гімнастыкі;
• скачкі на батуце (дзяўчынкі, хлопчыкі з 6 гадоў, 2014 года нараджэння). Заняткі праходзяць па адрасе: вул. Камунальная, 3 (ЦСК «Нёман»), зала скачкоў на батуце.

Для заняткаў неабходны наступныя дакументы:

• медыцынская даведка формы 1 здр / у-10;
• заява на залічэнне ў спартыўную школу (узор даведкі і заявы можна спампаваць на сайце);
• копія пасведчання аб нараджэнні дзіцяці;

Індывідуальны адбор праводзіцца ў форме тэставання - дзіцяці будзе прапанавана выканаць комплекс практыкаванняў у спартыўнай зале.

Форма адзення: футболка, шорты, шкарпэткі, чэшкі.

Дзяцей, якія не прайшлі адбор, ці дзеці, якім менш чым 5 гадоў, запрашаем на заняткі ў аздараўленчыя групы на платнай аснове.

Кантактны тэлефон: 62-29-63 (пн-пт 8.30-17.30)